Pas pretendimeve të një kirurgu plastik në lidhje me ndërhyrjet që Hailey mund të ketë bërë në fytyrë, kjo e fundit dhe Justin do ndërmarrin veprime ligjore.
Në një letër të siguruar nga E! News, avokatët e çiftit Bieber akuzojnë Dr. Daniel Barret për “përdorim të emrit, imazhit dhe famës”, për të “reklamuar në mënyrë komerciale praktikën e kirurgjisë së tij plastike, dhe për të përhapur pretendime të rreme”. Ai akuzohet gjithashtu se ka përdorur “pjesë të mbrojtura nga e drejta e autorit”, referuar këngës “Sorry” të Justin Bieber në videon e tij.
Por për çfarë e akuzon ai më konkretisht? Në një video në TikTok, Dr. Barret tregon dy foto të Hailey-t dhe pretendon se ajo i është nënshtruar një ndërhyrjeje në hundë. Përpos rinoplastikës, ai thotë se Hailey ka konturuar nofullën, mollëzat dhe buzët.
Edhe më herët, Hailey Bieber ka reaguar e shqetësuar. Ajo ka kërkuar që të mos përdoren fotot që janë edituar nga artistët e makeup-it.
