Mimoza Hafizi shpërtheu me akuza ndaj bashkëthemeluesit të LIBRAS, Ben Blushit. Hafizi tha sonte se gratë janë larguar nga libra prej fjalorit të rëndë të Blushit. E ftuar në emisionin “Studio e Hapur” në News24, Hafizi tha se fjalori i Blushit ka qenë i rëndë dhe u neverit. Ajo tregoi se disa zonja që nuk kanë ardhur tek LIBRA për t’u fyer dhe ato thanë se do largohen nga të gjitha funksionet nëse situata vijonte të ishte e tillë.
“Gjatë kësaj kohe ka pasur probleme brenda partisë dhe mënyrës se si kryetari i partisë m’u drejtua me anë të një emaili. Njerëzit janë më të ndjeshëm ndaj sjelljes së kryetarit. Fjalori i tij ka qenë i rëndë dhe u neverit nga disa zonja që nuk kanë ardhur tek LIBRA për t’u fyer dhe ato thanë se do largohen nga të gjitha funksionet nëse situata vijonte të ishte e tillë,” deklaroi Hafizi.
Gjithashtu, Hafizi shkoi më tej më akuzat ndaj Blushit duke thënë se Blushi filloi të bënte presione verbale tek anëtarët e bërthamës i detyronte të tërhiqeshin. Hafizi sqaroi se në mbledhjen e LIBRA-s, ata nuk e dinin se sa anëtarë kishin mbetur, sepse disa prej tyre kishin dhënë dorëheqjen.
“Blushi filloi të bënte presione verbale tek anëtarët e bërthamës i detyronte të tërhiqeshin. Në ditën kur ne bëmë mbledhjen disa kishin dhënë dorëheqjen dhe ne nuk e dinim sa njerëz ishin. Ne thirrëm bërthamën, por kjo nuk u quhet mbledhje bërthame, por thjesht mbledhje”- tha Mimoza Hafizi.
