Imazhin e tij e lidhim gjithmonë me atë të Milanit, por George Weah ka habitur me deklaratën e tij.
Lojtari, i cili fitoi “Topin e Artë” në vitin 1995 me kuqezinjtë dhe ka lënë një memorie të pashlyeshme në “Curva Sud” të “San Siro”, ka rrëfyer për L’Equipe se ekipi i tij i zemrës është Juventusi.
Megjithatë, duke folur për “L’Equipe”, George Weah sot tregon një detaj që ka lënë të habitur shumëkënd: “Juventusi ka qenë ekipi im i zemrës, kur isha fëmijë. Në Liberi kam luajtur futboll me fanellën e Juventusit. Kur pashë në televizor duke luajtur Platini, edhe unë rashë në dashuri me këtë ekip. Nuk e mendoja kurrë ta shikoja pastaj veten në përballje me Michel, në fushën e lojës. Vite më vonë, kur e takova për herë të parë, nuk mund të ndalesha duke qeshur. Unë kam qenë i lumtur, që shtrëngova dorën e një njeriu, të cilin përpara e kisha admiruar vetëm në televizion. Që atëherë, Juventusi më ka hyrë në gjak, por kurrë nuk e kisha fatin për të luajtur me të, edhe pse do të më kishte pëlqyer.”
Weah flet edhe mbi sfidën e kësaj mbrëmjeje, mes Juventusit dhe Monakos, duke u kthyer me mendjen e tij në vitin 1992, kur u largua nga “monegasques” për të shkuar te PSG, shkruan Tirana Observer.
“Ishte shumë herët për të shkuar në Itali, kështu që kam zgjedhur PSG-në, që nuk ishte klub kaq fisnik sa sot. Shumë më kanë kritikuar mua, por kam menduar se ishte klubi i vetëm në Francë, që mund të arrinte shumë shpejt nivelet e Monakos dhe Marseille. Dhe aty kam pasur sezonin tim më të mirë, me atë fanellë, në mes të viteve 1994 dhe 1995”.
