Ndërsa e gjithë bota flet për bukurinë e saj, e në rrjetet sociale shpërthejnë fotot e nxehta, por edhe ndërsa fama ka prekur majën, Rita Ora zbulon orientimin e saj seksual, duke ngritur shumë dyshime. Pak kohë pas publikimit të këngës së saj të re “LGBT Anthem Girls”, Rita Ora ka zbuluar se është biseksuale.
Këngëtarja 27-vjeçare ka treguar se në të kaluarën ka pasur eksperienca dhe me meshkuj, dhe me femra. Ndërkohë që ndjekësit në rrjetet sociale e kanë përgëzuar Ritën për singëllin dedikuar komunitetit të LGBTI, ylli shqiptar tha se fraza e tekstit “Unë dua vetëm të puth vajza”, ishte më e sinqerta që ka përdorur ndonjëherë në një këngë.
Kënga është shkruar 2 vite më parë nga Rita Ora, së bashku me Cardi B, Charli XCX dhe Bebe Rexha. “Jam biseksuale 50/50 dhe nuk do ta fsheh. Nuk po fsheh çfarë jam apo kush jam,” u shpreh Rita Ora për revistën “People”.
Ky rrëfim i Ritës për revistën angleze, vjen vetëm pak kohë pasi u përfol për një histori të re dashurie me këngëtarin simpatik nga Kosova, Ledri Vulën. Sipas mediave të Kosovës, këngëtarja Rita Ora dhe reperi Ledri Vula nisën të shoqëroheshin së bashku që nga muaji shkurt, një pëlqim reciprok që nisi, pasi ndanë skenën e koncertit në Prishtinë me rastin e 10-vjetorit të Pavarësisë së Kosovës.
Në fotot e tyre ata dukeshin më të afërt se kurrë me njëri-tjetrin, duke lënë të kuptohet se mes tyre kishte lindur diçka më tepër se miqësi. Për përzgjedhjen e tyre, njëri prej përfaqësuesve të organizmit të këtij koncerti, Luan Maloku nga zyra e zëvendëskryeministrit Fatmir Limaj, tha: “Rita Ora është ambasadorja jonë, s’e kemi zgjedh rastësisht. Ndërsa e kemi zgjedh edhe një vendor, Ledrin, pasi, për momentin, është reperi më i mirë shqiptar”, ka thënë ai për RTK-në.
Kujtojmë që Ledri ka pasur një histori me rivalen e saj më të fortë për shkak të këtij koncerti, shqiptaren tjetër të famshme në Angli, Dua Lipën.
