Këngëtari Kastro Zizo ka ndërmend të kandidojë si kryetar bashkie. Këtë lajm ai e bëri të ditur nëpërmjet një statusi, ndërsa mbrëmë në studion e “Zonë e Lirë” ka sqaruar se në cilin qark dhe nën siglën e cilës parti do të kandidojë.
“Kur thua që do kandidosh për kryetar, për kë bashki e ke fjalën?”, e ka pyetur Çani këngëtarin. Ky i fundit ka treguar se do të kandidojë për Përmetin.
“Nuk po flas për në bashkinë e Tiranës, por e kam fjalën që mund të kandidoj për Përmetin. Të gjithë e dinë që unë jam me prirje të majta dhe mund ta shikoj që të kandidoj si kryetar bashkie atje për LSI. Por nuk mund të flas ende pa folur me zonjën Kryemadhi apo me kryesinë e kësaj partie”, është shprehur Kastro, duke e bërë të qartë se ka ndërmend të kandidojë për kryetar të bashkisë në Përmet.
