Hetem Ramadani ka qenë pjesë e emisionit “Rudina”, ku ka folur më gjatë se si ushqimi ndikon në trupin dhe shëndetin tonë. Ai ka mundur të vetëshërohet dhe të shërojë, duke përjashtuar çdo lloj mjeti të mjekësisë konvencionale.
Madje është i pari që ka sjellë në Shqipëri dhe Kosovë meditimin transhendental. Ai është përfshirë në fushën e studimeve shkencore të mjekësisë dhe hedh poshtë shumë teori të mjekësisë konvencionale me fakte të vërtetuara.
I pyetur nga Rudina Magjistari nëse ushqimi i mirë mund të shërojë sëmundjet e pashërueshme, ai shprehet me bindje të plotë se po dhe këtë e ka të vërtetuar pasi ka shëruar veten dhe shumë njerëz që kanë pasur sëmundje të pashërueshme.
Rudina Magjistari: A është e vërtetë që ne pikërisht me ushqimin e mirë, mund të arrijmë të shërojmë edhe sëmundje para së cilave për shembull edhe mjekësia mund të jetë dorëzuar?
Hetem Ramadani: Unë tani mund të them, jam kompetent dhe jam njeri që kam këtë përvojë dhe jam i sigurt me përgjegjësi 100% që njerëz që kanë ardhur tek unë me sëmundje të ashtuquajtura të pashërueshme, të ashtuquajtura kronike sipas mjekësisë konvencionale që mund të menaxhohen por nuk shërohen, janë shwruar. E vërteta është që me ndërrime goxha radikale duke mos përdorur atë ushqimin budalla që kanë përdorur, që e kanë sjellë veten në atë gjendje që ne e quajmë sëmundje, atëherë këto sëmundje largohen. Nëse jeton në terr, duhet vetëm të ndezësh dritën dhe terri ikën.
Njësoj është edhe gjendja shëndetësore duke bërë ndërrime radikale më zëvendësimin e ushqimit tjetër, atëherë edhe kanceri mund të shërohet, që varet nga faza, edhe sëmundjet autoimunitare mund të shërohen që në mjekësi quhen të pashërueshme, ku nga ushqimi i stimuluar trupi e ka humbur inteligjencën dhe fillon të sulmojë veten. Po të shkoni tek një mjek sot kudo në botë e t’i thuash a shërohet lupus?
Do të thotë jo ose jetojnë shumë pak pacientë dhe unë kam raste me emër dhe mbiemër që mund t’i ftoni një ditë në studio dhe kjo është informatë për botën, jo informatë e lokalizuar për shqiptarët sepse trupi nuk është trup shqiptar ose një trup tjetër, por është trup universal që na ka krijuar natyra, Universi dhe nëse i zbatojmë këto ligje, sëmundjet nuk ekzistojnë.
Rudina Magjistari: Ju kam dëgjuar diku në një nga fjalimet e tua kur ke thënë “kur politikanët bërtasin në parlament, bërtasin sepse një ditë më përpara nuk janë ushqyer mirë.
Hetem Ramadani: Politikanët tanë apo ata në botë ushqehen gabim. Meqë i njoh shumicën personalisht ushqehen gabim, hanë shumë . Që kur kanë ardhur në pushtet dhe deri kur dalin, nëse nuk kanë bërë ndonjë ndërhyrje, kanë shtuar në peshë. Problemi i dytë është kur hamë. Të gjithë këta politikanë hanë pasi të mbarojnë punët e tyre dhe flenë shumë pak. Gjumi është faktori kryesoj sa jetojmë. Sa më pak flemë aq më pak jetojmë, gjumi është njësoj si ushqimi, janë të lidhura, nëse je ushqyer gabim ti nuk fle rehat, nëse nuk fle rehat, mundësitë për kancer janë më të larta.
Kur ha shumë vonë, nuk pritet që prej tyre të nesërmen në parlament në foltore të flasin pa agresivitet dhe revolta e tyre ndaj opozitës është revoltë ndaj vetvetes. Domethënë po të jenë të qetë, po të jenë në paqe me veten, paqja varet si janë ushqyer, sa kanë fjetur, çfarë frymëmarrje kanë pasur. Po t’i shikosh këta politikanë, kanë frymëmarrje të shkurtër dhe të shpejtë. Nëse ne hamë në orën 8, 9, 10, 11 të natës atëherë s’ka gjumë, energji ose mendime kreative për të zgjidhur situata shumë komplekse familjare, personale apo të popullit.
Mos presim ne që një politikan që nuk është ushqyer mirë, që nuk ka fjetur mirë, ka frymëmarrje të çrregulluar e del aty për të treguar paqe me opozitën. Opozita është veç simbol për të shprehur atë që ka brenda. Lufta në parlament është manifestim i kequshqyerjes.
Rudina Magjistari: Fakti që e keni kaluar Covidin kështu, a mund të bëjmë ndonjë lidhje apo është thjesht rastësore?
Hetem Ramadani: Unë mendoj që ka shumë lidhje të ushqyerit. Nëse ushqehemi mirë, atëherë ne bëjmë edhe ndërrimin e shprehive të gjeneve ose aktivizojmë ato gjene që na mbrojnë, nuk janë të fjetura. Prandaj ushqimi nuk është vetëm kalori që na shërben për punë të ndryshme mendore e fizike, por mendoj që ushqimi ka të bëjë edhe me emocionet tona, me ndjenjat, domethënë, ushqimi nuk është vetëm kalori, por është inteligjencë e koduar në ato molekulat e ushqimit që mund të na bëjnë edhe më të mençur nëse ne marrim ushqim inteligjent.
Në esencë ushqimi nga molekulat dhe përbërësit që ka, ka inteligjencë përbrenda. Është një energji që ka marrë nga dielli, nga toka ka marrë shumë minerale, vitamina dhe këto i marrin në trupin tonë. Nëse i marrim, trupi di t’i shfrytëzojë në mënyrën më të mirë me mekanizmat e ndryshëm për të krijuar atë çfarë na duhet ne./Tvklan/
