Një deklaratë disi e çuditshme vjen nga drejtori i Ujësjellësit në Sarandë, Sheme Lulo, i cili ka deklaruar se ka provokuar qytetarët duke i lënë për tre ditë me radhë pa ujë, për t’i provokuar ata.
Këtë deklaratë, Lulo e bëri në kuadër të deklaratës së tij, se furnizimi me tetë orë ujë në ditë është mëse i mjaftueshëm për banorët e qytetit bregdetar.
I ftuar në emision, në një TV lokal, drejtori socialist tha se ka provuar qëllimisht t’i lërë banorët edhe tre ditë pa ujë, për të kuptuar se sa kërkesë ka, por pas kësaj prove ai shton se askush nuk u ankua.
DEBATI NË STUDIO
Sa orë ujë furnizohet në ditë Saranda?
Sheme Lulo: Rreth tetë orë
Është e mjaftueshme kjo për banorët, për qytetarët
Sheme Lulo: Po unë i kam lënë edhe tetë orë pa ujë, pa i furnizuar për të parë se sa kërkesë ka. Nuk i ka rënë asnjëri telefonit tim e të thotë shiko se jam pa ujë (qesh)
