Deputeti Dashamir Shehi i ftuar në “Arena” nga Dritan Hila, tha se dyshon tek një pakt midis kryeministrit Rama dhe kryetarit të opozitës, Lulzim Bashës. Gjithashtu Shehi u shpreh se nuk do të votojë në zgjedhjet vendore nëse nuk ndryshohet sistemi zgjedhor.
Pjesë nga debati:
Hila: Nuk dyshoni që ka një lloj pakti midis dy të mëdhenjve?
Shehi: Dyshoj edhe unë. Jam dyshues prej natyre.
Hila: Bile ka hyrë edhe LSI-ja në këtë valle
Shehi: Pavarësisht kësaj, unë i drejtohem aleatëve tanë dhe them në qoftë se nuk ndryshohet sistemi zgjedhor, nuk e votoj. Pse nuk e votoj? Duhet të merremi me sistemin, pasi sistemi ka degraduar. Është antikombëtar. Ne kemi një Shqipëri të vogël. Po biem! Dramë e madhe. E kemi ndarë në 12 kolegje elektorale. Këtu barazi nuk ka.
