Ish-presidenti i SHBA-ve, Barack Obama, së bashku me bashkëshorten e tij Michelle, kanë lumturuar ditën e sotme të gjithë ndjekësit me deklaratën që kanë bërë. Edhe më parë ishin hapur zëra për një bashkëpunim të presidentit me Netflix, mirëpo së fundmi kjo gjë u konfirmua. Në një status në Twitter, kompania e filmave Netflix deklaroi se presidenti kishte nënshkruar një kontratë disa-vjeçare me ta, për të prodhuar filma dhe seriale.
“Presidenti Barack Obama dhe Michelle Obama kanë hyrë në një marrëveshje shumëvjeçare për të prodhuar filma dhe seriale për Netflix.”- shkruhej në Twitter.
Gjithashtu çifti ka deklaruar se ndiheshin tepër të lumtur për bashkëpunimin e ri.
“Ne shpresojmë të kultivojmë dhe të kulturojmë zërat e talentuar, frymëzues dhe krijues, të promovojmë ndjeshmërinë midis popujve dhe të ndihmojmë që ata ti ndajnë historitë e tyre me të gjithë botën.”- u shpreh Obama.
