Daut Gumeni, poeti, shkrimtari e publicisti i dënuar politik nga komunizmi, ka shprehur qëndrimin e tij se dosjet nuk do të hapen plotësisht. Në një intervistë për “Euronews Albania”, Gumeni tha se që të vijnë ndryshimet duhet të ndryshojnë ata që bëjnë ndryshimet. Ai theksoi se ligjet i kemi të përkryera se i marrin në Evropë, por rrugës i ndryshojmë sipas dëshirave dhe interesave tona.
“Ata kanë qenë 32 vjet këtu dhe dosjet i kanë përdorur për të mbajtur pushtetin, nga të gjitha palët. Kjo të bën të mos besosh që do hapen.
Ligjet i kemi të përkryera se i marrin në Evropë, por i shartojmë se i bëjmë shqiptare. Kemi dy të majta që luftojnë me njëri-tjetrin”, tha Gumeni.
Sipas tij, nëse hapen dosjet, rrëzohet pushteti.
“Me hapjen e dosjeve rrëzohet pushteti. Me aq sa kam parë si vepron politika, dosjet nuk ngacmohen se bien themelet”, tha Gumeni.
