Manchester City dhe Manchester United kanë publikuar tashmë formacionet zyrtare për ndeshjen e radhës në Ligën Premier. City është ekipi pritës në këtë derbi të vlefshëm për javën e 33 të Premier Leagues.
Skuadra e Pep Guardiolas vjen nga një humbje e thellë në Ligën e Kampionëve nga Liverpooli dhe dëshiron që të fitojë ndaj Unitedit pasi do ta siguronte titullin kampion në Ligën Premier dhe pastaj do fokusohej për ndeshjen kthyese ndaj Reds. Por vihet re mungesa e disa prej titullarëve në formacionin startues, duket se Guardiola nuk e ka me nxitim për të siguruar kampionatin dhe është më i përqëndruar tek përballja me Liverpool.
Në anën tjetër, skuadra e Jose Mourinhos është në formë të mirë në kampionat duke marr katër fitore radhazi dhe dëshiron të vazhdoj rezultatet pozitive në mënyrë që të sigurojë vendin e dytë në Ligën Premier.
Man City: Ederson; Danilo, Kompany (C), Otamendi, Delph; Fernandinho, Gundogan, Bernardo; D.Silva, Sane, Sterling.
Man Utd: De Gea; Valencia, Smalling, Bailly, Young; Matic, Herrera, Pogba; Lingard, Lukaku, Alexis.
