Një përleshje e ashpër ndodhi në Parlamentin e Senegalit, gjatë seancës plenare ku po diskutohej për projektbuxhetin. Siç shihet edhe në video, deputeti ngrihet nga vendi, shkon te kolegia e tij dhe e godet me shuplakë.
Skena të pabesueshme u zhvilluan në Parlamentin e Senegalit të enjten, me deputetë që hidhnin edhe karriget ndaj njëri-tjetrit. Teksa debati mes qeverisë dhe opozitës u nxeh, një deputet i opozitës goditi një kolege femër, duke bërë që gjërat të dilnin jashtë kontrollit.
Gjithçka ka ndodhur, siç vëren DW, gjatë kalimit të buxhetit të Ministrisë së Drejtësisë për vitin e ardhshëm.
Në mes të prezantimit të buxhetit, deputeti i opozitës Massata Samb goditi me shuplakë Amy Ndiaye Gniby të koalicionit qeverisës Benno Bokk Yakaar (BBY).
Gniby u kundërpërgjigj, duke hedhur një karrige ndaj Samb. Mbledhja u ndërpre, pasi pas përleshjes së parë deputetët vazhduan të shkëmbenin grushte dhe sharje.
Burimi i lajmit: newsbeast. Përshtatur nga Tirana Today
