Kryetarja e LSI-së, Monika Kryemadhi, ka lëshuar një deklaratë të fortë teksa ka qenë e ftuar në studion e “Open”. Ajo tha se është kërcënuar në rrjetet sociale nga persona të cilët i ka identifikuar si anëtarë të grupeve kriminale, të lidhura me politikën.
“Vajzën e vogël, e kam dërguar në shkollë jashtë me konvikt e izoluar, sepse nuk dua që ajo të rrezikojë. Sepse duhet të garantoja jetën e vajzës.
Unë jam kërcënuar në rrjetet sociale”, u shpreh ajo e përlotur.
Kryemadhi shtoi më tej se ndonëse ka kontaktuar me policinë, nuk ka besim në sistemin e drejtësisë, e po mundohet t’i zgjidhë vetë këto çështje.
