Grupi mjeko-ligjor i ngritur për vrasjen e Kacifas, përbëhet vetëm nga shqiptarë. Por, duket se pala greke ka kërkuar informimin e ekipit policor grek për rrethanat e ngjarjes dhe hetimin paraprak, në pritje të vendimit të prokurorisë së Tiranës.
Pala shqiptare ka përshkruar ngjarjen dhe reagimin e policisë shqiptare në fazën e parë. Mësohet se ekipi grek do të qëndrojë deri në mbyllje të hetimit.
Diplomacia greke konsideron se kërkesa e familjes për dorëzimin e trupit duhej pranuar menjëherë pasi nuk ndikon në asnjë drejtim drejtësinë vendore, theksojnë burime të sigurta në Greqi për News 24.
