Nikolla Gruevski, gjatë një interviste tha se kryetari i ri në Kuvendin e Maqedonisë, Talat Xhaferi, është zgjedhur në mënyrë joligjore dhe nuk mund ta pranoj.
Nikolla Gruevski, ftoi që sa më shpejtë të mbahen zgjedhje lokale së bashku me ato parlamentare. Për partinë OBRM-PDUKM, data më e përshtatshme është 2 korriku për raundin e parë, ndërsa 16 korriku për raundin e dytë, përcjell Telegrafi Maqedoni.
“Ai për momentin është dhe me siguri do të ngelet ashtu uzurpues i pozicionit të kryetarit të Kuvendit. Ai për ne mund të jetë vetëm deputetë, ndërsa këtu është zgjedhur në mënyrë legjitime dhe këtë nuk e kundërshtojmë. Por, kryetar i Kuvendit nuk mund të thuhet për shkak se është zgjedhur në mënyrë kundërligjore dhe kundër kushtetuese”, ka thënë Gruevski, gjatë hetimeve që bëri në stadiumin e qytetit të Shkupit, ku po punohet për mbajtjen e “UEFA Super Cup”, ndeshje e cila do të luhet gjatë muajit gusht.
Nikolla Grueski, karrierën e tij politike e filloi si Ministër i Financave në vitin 1999, kurse në vitin 2002 u emërua si drejtues i partisë OBRM-PDUKM.
