Është e tmerrshme për çdo nënë që të mos jetë e aftë të përjetojë një shtatzëni në të gjitha fazat e saj. Por, një nënë e guximshme ka shpërndarë foto të fetursit të saj 14-javësh të vdekur për të vërtetuar se ai është një “foshnjë e vërtetë”. Kjo pasi mjekët i thanë të abortonte, duke e quajtur fetusin një “mbetje mjekësore”.
Sharran Sutherland, 40 vjeçe, publikoi fotot që të thyenin zemrën të një fetusi që peshonte vetëm 26 gramë, duke treguar fytyrën, duart dhe këmbët që sapo kishin nisur të formoheshin.
Kështu, Sharran dhe i shoqi i saj Michael, e mbajtën fëmijën e tyre në frigorifer për një javë, përpara se ta varrosnin në një vazo me lule.
Pavarësisht dhimbjes së madhe, Sharran thotë se ajo është mirënjohëse që pati mundësi ta lindte, ta shihte dhe ta mbante fetusin që e quajti Miran, përpara se t’i jepte lamtumirën.
Sharran po shpërndante fotot e dhimbshme për të treguar se sa i formuar është trupi i një fëmijë në një fazë kaq të hershme.
“Ta shihja atë, ta mbaja në duart e mia dhe të shihja se si ishte i krijuar në mënyrë kaq perfekte, më bëri të habitesha pafund. Thjesht s’mund ta besoja se sa perfekt ishte gjithçka tek ai: veshët, buzët. S’mund ta besoja”, tha Sharran.
Ajo vijoi: “Ke pamje të foshnjeve nga ekot që u bëhen, por nuk kisha parë kurrë diçka të tillë. Isha e mahnitur. Ai thjesht kishte nevojë të vazhdonte të rritej dhe të zhvillohej. Ishte një ndjesi e pabesueshme. Është vërtet e vështirë ta përshkruash. Edhe pse ai vdiq, unë kisha shansin të mbaja foshnjën time. Ajo ndjesi ishte përmbushëse. Jam mirënjohëse”.
Ajo thotë se foshnjat e palindura janë të ‘dehumanizuara’, dhe se mënyra se si konsiderohen fetuset bën që gratë të zgjedhin të abortojnë.
“Kur një grua humbet fëmijën e saj të palindur, ajo nuk mund të brengoset në të njëjtën mënyrë si një grua që lind një fëmijë që vdes pas lindjes. Kur një grua humb fëmijën e saj të palindur, thuajse nuk mund të flasësh për këtë. Ajo grua e kalon të gjithë këtë gjendje vetëm dhe besoj se kjo është arsyeja përse njerëzit nuk e njohin si një foshnjë, si një njeri.”
Mjekët i kërkuan Sharranit që të heqë foshnjën në mënyrë kirurgjikale, pasi zbuluan se zemra e Miranit kishte ndaluar së rrahuri. Por ajo refuzoi, pasi nuk donte që foshnja e saj të dilte në copa. Duke zgjedhur të lindë në mënyrë natyrale 173 ditë përpara datës së caktuar për lindje./ TIRANA TODAY
