Policia e Krujës ka arritur të identifikojë autorët e vrasjes së Elion (Kejsi) Hysës. Në një komunikatë për median policia ka dhënë detaje rreth gjetjes së trupit të pajetë të Elion (Kejsi) Hysës, i cili ishte groposur në Nikël.
Policia deklaron se njëri prej vrasësve të Hysës shoqëruar në komisariat, ndërsa tjetri është shpallur në kërkim. I arrestuar është shtetasi me inicialet H.R. ndërsa është shpallur në kërkim shtetasi A.T.
Informacion paraprak
Më datë 14.07.2018, Shërbimet e Komisariatit të Policise Krujë, pranë varrezave të fshatit Shelqet, Komuna Nikel kanë gjetur të groposur shtetasin K.H. 34 vjeç, banues në Gjormë të Rrethit Kurbin, të shpallur në kërkim ( i humbur). Grupi hetimor ka bllokuar një sërë provash materiale duke bërë të mundur identifikimin e autorëve të dyshuar ku njëri prej tyre, shtetasi H.R. është shoqëruar në ambientet e Komisariatit të Policisë Krujë dhe është shpallur në kërkim shtetasi A.T.
Grupi hetimor me ekspertë të fushës në bashkëpunim me Prokurorinë e Rrethit Gjyqësor Krujë po punojnë për sqarimin e të gjithë rrethanave të ngjarjes.
Për shkak të hetimeve nuk jepen më shumë detaje.
