Sulmuesi francez Antoine Griezmann i ka bërë një nisje të keqe sezonit me Atletico Madridin të shtunën në Girona, duke marrë një karton të kuq pas protestave ndaj gjyqtarit të ndeshjes, i cili nuk ka akorduar një 11-metersh në favor të tij.
Ai ka patur një kontakt të lehtë me portierin kundërshtar në minutën e 66-të të ndeshjes, një aksion që gjyqtari i ndeshjes e vlerësoi si simulim të sulmuesit të Atleticos.
Nëse gjyqtari sportiv i federatës spanjolle (RFEF) e vlerëson të drejtë vendimin e gjyqtarit, Griezmann do të jetë i pezulluar për ndeshjen e javës së ardhshme në fushën e Las Palmas për javën e dytë të kampionatit.
