Një sipërfaqe me pyje është përfshirë nga flakët në fshatin turistik të Voskopojës.
Banorët kanë bërë apel për ndërhyrjen e forcave zjarrfikëse, pasi tymi ka mbuluar gjithë zonën përreth, ku janë djegur sipërfaqe të mëdha me pisha dhe bimësi të ulët.
Shtëllungat e mëdha të tymit duken qartë në zonën perëndimore të fshatit dhe me shpejtësinë e lëvizjes së flakëve banorët thonë se rrezikohen banesat dhe Kishat e famshme të kësaj zone.
Kjo vatër zjarri është aktivizuar prej disa ditësh dhe emergjencat civile e kanë patur të pamundur të ndërhyjnë për ta vënë nën kontroll.
Megjithatë, sipas banorëve ndërhyrja është e vështirë për shkak të terrenit.
