Deputetja demokrate Grida Duma është shquar për hiret e saj. Shpesh ajo është vënë në qëndër të mediave rozë, për paraqitjen elegante. Por ajo është ngacmuar kur ka qënë e ftuar në emisionin “Shiko kush luan”.
Mes shumë pyetjeve, Luana i drejtoi dhe disa “pikante”. Ajo e pyeti deputeten, nëse e pëlqen kur e komplimentojnë për bukurinë në politikë, ose jo. Nuk kishte si të ndodhte ndryshe, pasi deputetes i pëlqen kur komplimenti bëhet me sinqeritet.
“Më pëlqen kur më komplimentojnë për bukurinë në politikë, por jo kur më thonë më pas atë frazën “ je vetëm e bukur dhe kaq”, u përgjigj Grida Duma.
Nga ana tjetër, ajo tregoi një sekret për djalin e saj, që si çdo mama dhe ajo ka ëndrra për fëmijën e vetë.
“Kam filluar të mendoj që tani për të ardhmen e djalit. Unë dëshiroj që ai të studiojë ligj, pasi ka aftësi shumë të mirë për të spekuluar. Mirëpo atij i është ngulitur dëshira për akademinë ushtarake”, rrëfen deputetja.
