Transferimi i Eros Grezdës tek Glasgow Rangers duket se është në fazë të avancuar dhe këtë gjë e pohojnë edhe mediat skoceze. Steven Gerrard është duke kërkuar një sulmues krahu dhe lojtari i kombëtares shqiptare ka aftësi të luaj në shumë pozicione pasi luan mirë me të dyja këmbët. Kjo mund të jetë edhe një nga avantazhet që Grezda të bëjë hapin e radhës në karrierë dhe të stërvitet nga legjenda e Liverpoolit.
Tabloidi “Scottish Sun” është përpjekur që të pasqyrojë më qartë aftësitë që ka lojtari shqiptar që do ti bashkohet gjigantit skocez. Ata kanë kontaktuar trajnerin e kombëtares shqiptare, Christian Panuccin për të kërkuar një mendim për 23-vjeçarin.
“Eros është një lojtar shumë i rëndësishëm për skuadrën tonë. Është i shpejtë, direkt në lojë dhe krijon shumë në fushë. Loja e tij është përmirësuar shumë, që kur zgjodhi të shkojë në Kroaci, ku ka firmosur me Osijekun. Di se ka pasur shumë interes për të nga klube në Itali dhe në Turqi. Erosi është një lojtar shumë i mirë teknikisht, dhe shënon edhe gola të rëndësishëm, si ai që shënoi për Shqipërinë ndaj Turqisë. Është ende shumë i ri, dhe sa vjen e do të përmirësohet.” – u shpreh Panucci. Rangers do të kenë kohë deri në mesnatën e të premtes, më 31 gusht, afat edhe për mbylljen e merkatos, për të blerë ose jo anësorin e Shqipërisë.
