Dy ushtarë grekë janë arrestuar nga autoritetet turke ditë më parë me pretekstin se kanë hyrë pa leje në kufirin e Turqisë. Ushtarët për shkak të motit të keq, kishin kaluar pikën kufitare në Edrene pa e kuptuar, por më pas ata janë arrestuar.
“Një gjykatës turk hodhi poshtë apelin nga avokatët e dy ushtarëve grekë, të cilët aksidentalisht kaluan kufirin të enjten e kaluar, ndërsa vijojnë të mbahen në paraburgim”-shkruan Ekathimerini.
Të dy ushtarët ishin në pritje të gjykimit me akuza për hyrje të paligjshme në kufirin e Turqisë. Por avokatët e tyre apeluan kundër një vendimi të tillë. Avokatët e ushtarëve shpresojnë që një gjykatësit nuk do të shtojnë akuzat e tyre për t’i përfshirë dhe akuzuar për spiunazh.
Të afërmit e dy ushtarëve u lejuan t’i vizitonin në paraburgim gjatë ditës së sotme. Më parë gjatë ditës, Ministri i Jashtëm grek Nikos Kotzias i bëri thirrje Ankarasë të mos krijojë një “problem të madh ligjor dhe politik” nga rasti i ushtarëve grekë.
“Turqia duhet të zbatojë atë që parashikohet nga e drejta ndërkombëtare dhe të mos e kthejë një procedurë të përditshme në një problem të madh ligjor dhe politik”, tha Kotzias gjatë një konference shtypi të hënën bashkë me homologun qipriot, Nikos Kristodulides.
Kujtojmë se përplasja e Greqisë dhe Turqisë është shumë e fortë kur vjen puna tek vijat kufitare. Nga ana tjetër presidenti i Turqisë , Erdogan ka porositur autoritetet greke të mos bëjnë provokime sa i takon pretendimeve territoriale. Por edhe Greqia nuk ka qëndruar duar kryq, por ka dënuar deklaratat e presidentit turk.
