Me shkeljet e Turqisë në Egje dhe në Mesdheun Lindor, kryeministri grek Alekis Tsipras deklaroi këtë të premte se Ankaraja zyrtare duhet të braktisë provokimet ndaj Greqisë
Duke folur me gazetarët në fund të samitit të liderëve Bashkimit Evropian, Tsipras tha se dënimi unanim i Turqisë nga Këshilli Evropian mbi qëndrimin e saj agresiv ndaj Greqisë dhe Qipros ishte mesazhi më i fuqishëm evropian për Turqinë.
Presidenti i Qipros, Nikos Anastasiades tha se i kemi paraqitur drejtuesve të BE-së veprimet përshkallëzuese të Turqisë, duke shtuar se sjellja e saj ka ndryshuar dhe kjo duhet të na shqetësojë. Duke iu referuar të dy ushtarëve grekë të arrestuar në Turqi, Tsipras tha se Athina do të “vazhdojë përpjekjet dypalëshe nëpërmjet diskutimeve për të zgjidhur çështjen, por kjo mund të varet edhe nga “gatishmëria” e partnerëve të BE-së.
Tsipras shtoi se ai ka marrë garanci nga Komisioni Evropian për ngritjen e kësaj çështjeje për ta diskutuar me Presidentin e Turqisë Rexhep Taip Erdogan. Ky takim do të mbahet ditën e hënë në kuadër të samitit BE-Turqi. Manovra ushtarake mes të dyja vendeve janë një hap i pastër tensioni pavarësisht thirrjeve të përsëritura për paqe dhe dialog konstruktiv, por duket se nuk po zmbrapsin Turqinë dhe provokimet e saj ndaj Greqia. TIRANA TODAY
