Greqia po mbytet në mbeturinat e saj. Që nga fillimi i javës, në mbarë vendin vihen re grumbujt e plehrave rritje, si pasojë e paralizimit të shërbimit nga greva.
Sindikata e punëtorëve të këtij shërbimi ka organizuar një grevë, pas kërcënimit për largim nga puna të 10.000 punëtorëve.
Zonat turistike të Athinës janë mes atyre më të prekurat nga ndotja. Gjithashtu probleme janë raportuar në qytetin verior të Selanikut dhe ishullin e Korfuzit.
Protestuesit marshuan drejt ministrisë së Brendshme në qendër të Athinës, ku i vunë zjarrin mbeturinave jashtë saj dhe hodhën bojë në ndërtesë. Forcat speciale të policisë hodhën gaz lotsjellës për t’i ndaluar në sulmin ndaj ndërtesës.
Korrespondenti i BBC në Athinë Kostas Kallergis, raporton se era e keqe e plehrave kundërmon gjithandej.
“Këmbësorët mbajnë hundët teksa kalojnë barrikadat e mbeturinave. Situata është më e keqe pranë bizneseve, pasi restorantet kanë ngarkesa të mëdha të mbeturinave çdo ditë”, raporton ai
