Mediat greke i ka dhënë një rëndësi të veçantë mbledhjes së djeshme, mes qeverisë së Kosovës dhe të Shqipërisë.
Sikundër në mediat serbe edhe në ato greke lajmi është pasqyruar me nota nacionaliste, duke shprehur shqetësimin se dy vendet kanë në plan të bashkohen në një Shqipëri të Madhe deri në vitin 2025.
“Greek reporter” citon deklaratat e kryeministrit Rama, për bashkimin e shqiptarëve nën çatinë europiane.
“Shqipëria dhe Kosova do të ecin dorë për dore krah për krah si shqiponja dy krenare, siç u ka hije”, tha kryeministri Rama, në fjalimin ku nuk kurseu as kritikat ndaj ndërkombëtarëve.
“Të mos na tregojnë shumë përralla miqtë tanë europianë, ndërsa Serbinë vazhdojnë e përkëdhelin”.
Mediat në Greqi shkruajnë të shqetësuar se politikanët shqiptarë kanë bërë edhe simbolin e shqiponjës, që konsiderohet si një “simbol i nacionalizmit shqiptar”.
