Ministri i Mbrojtjes në Greqi, ka kërkuar mbështetje nga “miqtë dhe aleatët” për lirimin e dy ushtarëve grekë që ndodhen në një nga burgjet e sigurisë së lartë në Turqi.
Mesazhin e rreptë ia dërgoi Turqisë, në një deklaratë të mbajtur një ditë më parë gjatë festën kombëtare të shpalljes së pavarësisë së Greqisë nga Perandoria Osmane.
Ministri i Mbrojtjes , Panos Kamenos, ka folur me një gjuhë të ashpër duke u shprehur:
“Unë dua t’i siguroj popullin grek që forcat e armatosura të vendit janë të gatshme të përballen me çdo sfidë ndaj sovranitetit dhe integritetit territorial të vendit. Ne jemi një popull paqësor, ne bëjmë gjithçka për paqe, por ata që guxojnë të sfidojnë sovranitetin tonë do të shtypen. Ndërsa luftëtarët grekë shkatërruan një perandori të fuqishme osmane në 1821. Ata që mendojnë për perandori të gjatë otomane duhet të kujtojnë 1821, se si populli grek si një shpirt i bashkuar dhe i fortë u përball Perandorinë Osmane dhe e rrëzoi”.
Ministri i Mbrojtjes Kombëtare kërkoi mbështetje nga “miqtë dhe aleatët” për lirimin e menjëhershëm të dy ushtarëve grekë, të cilët janë në burgun e Adrianopojës.
“Unë kërkoj mbështetjen e miqve dhe aleatëve për lirimin e dy grekëve të cilët janë të burgosur në Edirne. Ne kemi nevojë për veprim dhe tani ne do të llogarisim miqtë dhe aleatët tanë. Ju duhet të kuptoni se Turqia mund të dërgojë vazhdimisht mesazhe paqeje dhe pajtimit, por një sjellje të tillë nuk është e lejueshme”.
“Forcat e armatosura, e duan populli grek dhe mund të përballet me çdo gjë“, përfundoi ministri i Mbrojtjes.
Ndërkaq, Ekathimerini që raporton deklarimet e Kamenos-it, citon presidentin Erdogan që të ketë thënë se “patjetër do ta ndërtojmë Turqinë e madhe” dhe se “ne nuk do të harrojmë plagët në zemrat tona të shkaktuara nga kufijtë artificialë që ata kanë diktuar”.
“Pas Afrin vjen ringjallja”, citohet të jetë shprehur kreu i shtetit turk, gjë e cila është marrë nga Athina si një mesazh kërcënues kundër saj. TIRANA TODAY
