Greqia i ka hequr nënshtetësinë kryebashkiakut të Himarës, Jorgo Goro.
Sipas dokumentit të botuar në fletoren zyrtare, vendimi bazohet në nenin 17 të ligjit për shtetësinë, sipas të cilit shtetësia greke hiqet në rastin kur personi që jeton në një vend të huaj, vepron pro atij vendi dhe kundër interesave të Greqisë.
Ky vendim është firmosur nga ministri i brendshëm grek, Panos Skurletis.
Burimet thonë se për këtë vendim ka ndikuar ai që njihet “Lobi i Himarës”, një rrymë ekstremiste që kundërshton dialogun e barabartë mes dy vendeve sovrane dhe që i kërkon Athinës të mbajë qëndrime radikale në çështjet dypalëshe.
