Greqia dënon gjuhën e përdorur nga kryeministri Rama, lidhur me vrasjen e Kostandinos Kacifa, në Bularat të Gjirokastrës.
Në një prononcim për mediat greke, zëvendës ministrja e Mbrojtjes së qytetarit Katerina Papakosta, tha se Rama u shpreh me një gjuhë që nuk i shkon për shtat pozicionit të tij.
Ndërsa u zotua se shteti grek e ka për detyrë të ketë mjek grek në ekspertizë dhe përfaqësues të palës greke në hetim.
“Greqia ka për detyrim të mbështesë dhe të kërkojë sqarime dhe të ndërhyjë për gjithçka po ndodh. Fatkeqësisht kryeministri i Shqipërisë u shpreh me një gjuhë që nuk i shkon për shtat pozicionit të tij. Te jeni plotësisht të sigurt se pala shqiptare do të bëjë gjithçka që parashikohet nga rrethanat që minoriteti grek në Shqipëri të ushtrojë gjithë të drejtat.
Është detyrim i shtetit grek të ketë mjek grek në ekspertizë dhe përfaqësues të palës greke në hetim. Më shqetëson gjuha me të cilën u shpreh publikisht kryeministri i Shqipërisë, më shqetëson shumë ky fakt.
Greqia veproi siç duhet në deklaratë me tone të ashpra. Nuk mund të themi ende nëse ka qenë ekzekutim apo jo, pasi ngjarja është në hetim bashkëpunimi që kemi me palën shqiptare”, përfundoi Katerina Papakosta.
