Mediat greke kanë publikuar momentin e ekzekutimit të 32-vjeçarit shqiptar Aris Papas, ngjarje e ndodhur në një lokal në Athinë, më 30 maj.
Nga pamjet e publikuara, shihet se një person i afrohet nga mbrapa shqiptarit, dhe e qëllon disa herë me armë. Papas arrin të futet brenda ambienteve të lokalit, por nuk ka mundur t’i shpëtojë plagëve të marra, duke ndërruar jetë disa sekonda më pas.
Pas kreu vrasjen, autori është larguar me shpejtësi nga vendgjarja, dhe sipas mediave në vendin fqinj, ai eci deri tek rruga ”Amvrakia” dhe më pas hipi në një taksi.
Ndërkohë, klientët e punonjësit e lokalit shihen teksa largohen me shpejtësi dhe të friksuar nga ngjarja e rëndë.
https://www.youtube.com/watch?time_continue=188&v=cf_QkofPUmo&feature=emb_title
Viktima ka qenë një emër i njohur për policinë, teksa më parë ai kishte mundur t’u shpëtonte edhe dy atentateve të tjera,
Shqiptari mbante veshur gjithmonë një jelek antiplumb, i cili jo pak herë i shpëtoi jetën, por një gjë e tillë nuk ndodhi pasditen e 30 majit.
Dyshohet se ekzekutimi ka ndodhur për një larje hesapesh mes bandave të trafikut të drogës që operojnë në qendër të kryeqytetit grek.
