Greqia po përjeton një tmerr të vërtetë teksa është goditur nga cikloni ‘Ianos’, i cili ka shkaktuar edhe viktimën e parë.
Sipas mediave greke, bëhet fjalë për një grua të moshuar në fshatin Farsala, afër Larisës, ndërkohë, që dy persona në Kardica rezultojnë të zhdukur.
Raportohet se 2450 thirrje telefonike për ndihmë kanë ardhur nga fshatrat të tëra të përmbytura, ndërkohë që dëmet materiale janë të mëdha.
Deri më tani ka raportime për rrugë të vërshuara, ndërprerje të energjisë elektrike dhe pengesa në transport në ishujt, Kefalonia, Zakynthos dhe Itaka.
Gjatë orëve në vijim, parashikohet që të ketë reshje të furishme dhe erëra të fuqishme në zonat lindore dhe jugore të Greqisë tokësore, në jug të detit Jon, në veri të ishullit Evia, ishujt verior dhe perëndimor të kompleksit Cyklades, Chania në Kretë dhe ishujt e Egjeut.
