Ministri i Jashtëm grek, Giorgos Katrougalos ka deklaruar se zgjerimi i ujërave territoriale në detin Jon është “prioritet i menjëhershëm” i qeverisë.
Ai ka deklaruar se deri në verë, Greqia do të zgjerojë ujërat territoriale të vendit në detin Jon, raporton Protothema.
“Është një vendim politik i marrë në lidhje me prioritetet tona të menjëhershme dhe kjo do të jetë arsyeja pse kjo është diçka që do të rrisë Greqinë, por gjithashtu sepse do të na lehtësojë edhe më shumë të negociojmë me Italinë dhe Shqipërinë për identifikimin e zonave tona ekonomike”.
Sipas Katrougalos, “ka pasur një punë shumë të rëndësishme në nivelin e hartës, në mënyrë që të sigurojmë plotësisht ligjet tona kombëtare, por edhe në një mënyrë të pajtueshme me të Drejtën Ndërkombëtare”.
Fillimisht, zgjerimi i ujërave territoriale do të zhvillohet në Detin Jon “siç përcaktohet në Traktatet Ndërkombëtare të Hartimit në Detin Jon, dhe natyrisht do të vazhdojmë me rajone të tjera. Por pikërisht për shkak se realizueshmëria e menjëhershme e këtij zgjerimi të parë ka të bëjë me ZAZ-të me Shqipërinë dhe Italinë, ne fillojmë me Jonin.”
