Lidhur me hetimet për zbardhjen e grabitjes së miliona eurove ne bordin e avionit në pistën e Rinasit, ku mbeti i vrarë Admir Murataj, policia ka shoqëruar një tjetër person të dyshuar për këtë ngjarje.
Personi i shoqëruar dyshohet se ka ndihmuar autorët e grabitjes, duke qenë se ishte i punësuar te pjesa e cargos në aeroport.
Dyshohet se personi ka njoftuar për futjen e parave në pistë, orarin dhe lëvizjet, gjë që e bëri më të lehtë punën e autorëve të kësaj ngjarje të ndodhur në 9 Prill.
Prokurorët e kësaj dosje, prej katër ditësh janë duke marrë në pyetje pjesëtarë të stafit në aeroport dhe ICTS. Operacioni i nisur që nga pasditja e të premtes vijon edhe ditën e sotme.
Deri tani, gjashtë persona mbahen në burg për grabitjen në Rinas, ndërsa është shpallur në kërkim Klement Calja, si një nga organizatorët e grabitjes.
