Policia ka vënë në pranga tre persona, pasi akuzohen si autorë të grabitjes së postës së Krujës, prej ku morën 11 milionë lekë.
Pak ditë më parë, persona të paidentifikuar hynë në postën e Krujës dhe thyen njërën nga dy kasafortat duke grabitur 11 milionë lekë, të cilat i përkisnin fondit të pensioneve.
Fillimisht u arrestua roja private, mbi të cilin rëndon akuza “Moskallëzim krimi”. Në deklaratën e dhënë për autoritetet, roja pretendoi se është kërcënuar nga autorët.
