5 persona, të cilët akuzohen për shitje të lëndëve narkotike në doza të vogla në kryeqytet, janë vënë në prangat e policisë. Ata janë Elton Hasnjoku, 41 vjeç, banues në Tiranë, Armand Pisha, 28 vjeç, banues në Elbasan, Migen Jani, 34 vjeç, banues në Elbasan, Shpetim Myrta, 51 vjeç, banues në Elbasan, i dënuar më parë dhe Mariglen Gostima, 26 vjeç, banues në Elbasan, gjithashtu i dënuar më parë.
“Arrestimi i tyre u bë pasi në bashkëpunim me njëri-tjetrin, ata shisnin lëndë narkotike, kokainë, me klientelë kryesisht në zonën e Oxhakut, Xhamllikut, etj në qytetin e Tiranës”, sqaron policia në një njoftim të sajin.
Gjatë kontrollit të ushtruar në 2 automjetet “Golf 5”, me të cilët lëviznin të arrestuarit, policia gjeti dhe sekuestroi 256.5 gramë kokainë. Atyre iu sekuestruan gjithashtu 2 automjetet si dhe 8 telefona celularë.
Njoftimi i policisë
Tiranë
Goditet një tjetër rast i shitjes së lëndëve narkotike në doza të vogla.
Arrestohet 5 shtetas.
Me datë 06.01.2018, Specialistët për Hetimin e Narkotikëve në Drejtorinë Vendore të Policisë Tiranë, në vijim të punës për evidentimin dhe goditjen e veprimtarisë kriminale në fushën e narkotikëve, kanë arrestuar në flagrancë shtetasit :
– E.H., 41 vjeç, banues në Tiranë.
– A. P., 28 vjeç, banues në Elbasan.
– M. J., 34 vjeç, banuese në Elbasan.
– Sh. M., 51 vjeç, banues në Elbasan, i dënuar më parë.
– M.G., 26 vjeç, banues në Elbasan, i dënuar më parë.
Arrestimi i këtyre shtetasve u bë pasi në bazë informacioneve të marra në rrugë operative që dispononte Seksioni për Narkotikët në Drejtorinë Vendore të Policisë Tiranë, në drejtim të goditjes së veprimtarisë të kundraligjshme në fushën e narkotikëve rezultonte se:
Shtetasit e mësipërm në bashkëpunim me njëri tjetrin shisnin lëndë narkotike e llojit të dyshuar ” Kokainë” me klientelë kryesisht në zonën e Oxhakut, Xhamllikut etj në qytetin e Tiranës.
Gjatë kontrollit të ushtruar në 2 automjetet tip “Golf 5”, që këta shtetas leviznin i’u gjetën dhe sekuestruan në cilësinë e provave materiale:
• 256.5 gramë lëndë e dyshuar narkotike e llojit “Kokainë”
Gjithashtu janë sekuestruar në cilësinë e provave materiale:
• 2 automjete
• 8 telefona celularë
Materialet proceduriale i kaluan Prokurorisë pranë Gjykatës së Shkallës së Parë Tiranë, për veprime të mëtejshme hetimore për veprën penale të “Prodhimit dhe shitjes së lendeve narkotike në bashkepunim”, parashikuara nga neni 283/2, të Kodit Penal.
