Gol dhe asist, “Perandori” nuk e ka humbur talentin edhe pas 7 vitesh (Video)

Ai ishte një ndër lojtarët më të dashur në atë kohë dhe kishte mundësinë që të bëhej më i miri në botë. Golat ishin diçka e zakonshme që i gjente me lehtësi. Por humbja e familjarëve të afërt dhe jeta e natës bënë që karriera e tij të shuheshe atëherë kur do të prekte majën. Fjala është për ish-sulmuesin brazilian, Adriano i cili është rikthyer të luaj pas shtatë viteve.

Kjo ndeshje ishte miqësore e organizuar nga legjenda braziliane Zico dhe në të morën pjesë shumë yje të dikurshme të futbollit. Edgar Davids, Alvaro Recoba, Romario, Sorin, Leonardo dhe yje të tjerë ishin pjesëmarrës e në këtë ndeshje. Fitore në fund shënoi ekipi i Adrianos me rezultat 7-4 ku ish-sulmuesi i Interit shënoi një gol dhe dhuroi dy asiste. Ky ishte rikthim për brazilianin pas plot shtatë viteve ku herën e fundit luajti në vitin 2010 me fanellën e Flamengos.