Banda e Habilajve, e arrestuar për trafik ndërkombëtar të lëndëve narkotike do të dalë para gjykatës italiane sot me datën 31 tetor. Ndërsa bëhet e ditur se me urdhër të gjykatës së Vlorë, janë sekuestruar 6 prona të Habilajve në qytetin bregdetar të Vlorës.. shkruan media italiane cataniatoday.it.
Mediat italiane bëjnë të ditur se sot është seanca e para në gjykatë ndaj bandës së Habilajve, me kërkesë të gjykatës së Catanjës.
Banda drejtohej nga Moisi Habilja, ku anëtarët e saj janë prangosur në kuadër të një hetimi të gjatë dhe operacionit të koduar “Rosa dei Venti”.
Ndërkohë thuhet se njëri nga anëtarët e grupit Habilaj, Nezar është arrestuar në territorin e Republikës së Shqipërisë e brenda 20 ditëve nga data e arrestimit duhet të ekstradohet drejt Italisë për t’iu nënshtruar gjykimit të drejtësisë italiane.
Të arrestuarit e bandës Habilaj
Moisi Habilaj, i lindur më 18/01/1978 në Shqipëri i konsideruar kreu i kësaj bande.
Fatmir Minaj, lindur në Shqipëri më 15/04/1962 banues në komunë Modica të Raguzës.
Maridian Sulaj, lindur në Shqipëri më 27/01/2016 e banues në komunë Modica të Raguzës.
Nezar Seiti lindur në Shqipëri më 30/03/1977 e i arrestuar në territorin e Shqipërisë.
Italianët e arrestuar:
Vincenzo Spampinato, banues në Palagonia në provincën e Katanias
Gianluca Passavanti, banues në Katania.
Angelo Busacca , banues në Raguza.
Antonino Riela, banues në Katania .
Në kërkim:
Florjan Habilaj, vëllai i Moisi Habilaj, lindur në Vlorë më 11/10/1980.
Armando Sulaj , vallai i Maridian Sulaj, lindur në Shqipëri ma 12/05/1984.
Tigrens Mezuraj lindur në Shqipëri më 29/07/1994.
Akuza ndaj anëtarëve të bandës së Habilajve është pjesëmarrje në organizim kriminal me aktivitet trafikun e lëndëve narkotike e armëve./Tirana Today/
