Me në të një statusi në “Facebook”, deputeti demokrat Gent Strazimi ka reaguar në lidhje me deklaratën e kryeministrit Edi Rama, për verifikimin e burimeve të pasurive të grupeve kriminale, makinave luksoze dhe sekuestrimin e tyre.
Strazimi shkruan se sekuestrimi duhet të niset me “të madhin në Tiranë” që kishte pushtet t’u jepte licencën dhe mbrojtjen për kultivimin, përpunimin dhe më pas trafikimin e drogës.
Po ashtu, demokrati tha se për këtë nismë duhet të fillohet nga vila e tij në fshatin Surrel.
Kryeministri Edi Rama ka urdhëruar sot Policinë e Shtetit dhe të gjitha strukturat që janë duke bashkëvepruar me të për të luftuar kanabizimin e vendit, që të fillojnë goditjen e aseteve, pasurive, makinave luksoze, llogarive bankare, të rrjeteve dhe grupeve kriminale shqiptare brenda dhe jashtë vendit, që i kanë përfituar ato nga kultivimi dhe trafiku i kanabisit.
Statusi i plotë i Gent Strazimiri:
Sekuestro e pronave të drogës?
Niseni me “të madhin në Tiranë”, “Atë” që kishte pushtet t’u jepte liçencën dhe mbrojtjen për kultivimin, përpunimin dhe trafikimin!
Filloni me vilën e Surrelit (se makinën e luksit e ka të shtetit), pastaj vazhdoni me të tjerët!
P.S. Do thonë të gjithë që e nisën me nga 3.800 euro kursime…por gënjejnë
