Natalie Habibaj është motra e 55-vjeçarit shqiptar i cili përfundoi në prangat e policisë italiane dy ditë më parë pasi tentoi të vrasë bashkëshorten e tij me të cilën po ndahej. Ajo ndodhet në gjendje kome në spitalin në Torrette. Sipas mediave italiane, shqiptari ka nxjerre një çekiç nga makina dhe e ka qëlluar disa herë në kokë gruan e tij Trendelina Halimi, e cila kishte shkuar me shoqet në një disko.
Sipas motrës së tij, Besniku e donte gruan e tij. “Ai ka punuar gjithmonë, kunatës sime i ka dhënë gjithçka. Ai mund të bënte drejtësi edhe në mënyra të tjera”. “Vëllai im i dha gjithçka gruas së tij, e donte aq shumë, dhe mendoj se e do ende. Unë nuk e fal atë për veprimin që bëri. Kishte një mijë mënyra për të vënë drejtësi. Tani ai ka humbur gjithçka”.
Natalie Habibaj ka jetuar në Itali për 26 vjet, në Tolentino, e punon si ndihmëse për të moshuarit. Ajo është motra e Besnik Habibaj, punëtor ndërtimi, banor i Pollenza. 55 vjeçari thuhet se është shumë punëtor, një njeri që kishte blerë dhe pastaj rregulluar një shtëpi në qendër të Pollenza, ku jetonte familja.
“Ai i dha gjithçka gruas së tij. E donte atë. Mendonte gjithmonë për të, sa ndonjëherë duke folur me mua, me thërriste Lina (ashtu siç i thoshte shkurt gruas se tij quajtur Trendelina Halimi)”, tha Natalie. Ashtu si Natalie, Habibaj kishte ardhur në Itali, nga Durrësi 26 vjet më parë. Çifti ka dy fëmijë: një vajzë, Refo, 21, dhe një djalë, Denis, 19 vjeç. “Ai donte që fëmijët të studiojnë. A është ai baba i keq për këtë?Kishte të gjitha mundësitë për t’i paguar të gjitha shpenzimet”, thotë Natalie Habibaj.
Në fund të gushtit, Trendelina e kishte denoncuar burrin për dhunë në familje dhe gjykata kishte dhenë urdhër mbrojtje dhe ai nuk duhej ti afrohej. Ky ishte edhe shkaku i ndarjes mes tij dhe gruas. “Ai më tha se donte ta shiste shtëpinë dhe pastaj të ndahej,” thotë Natalie. Megjithatë Natalie lutet për kunatën: “I lutem Perëndisë që ajo t”ja dalë, sepse është vetëm 41 vjeç dhe ka dy fëmijë”./Tirana Today/
