Policia italiane në orët e para të mëngjesit të sotëm, ka ndërmarrë një super aksion, për shkatërrimin e një grupi kriminal.
Grupi ishte i lidhur me klanin mafioz Montanari.
Sipas mediave italiane, aksionet po kryhen në qytetet e Foggias dhe Barit.
Operacioni ka marrë emrin ‘Stirpe criminale’, për shkak të lidhjeve të forta kriminale të njërit prej drejtuesve më të lartë.
Bazuar në hetimet e Prokurorisë, ky grup kishte monopolizuar shitjen e drogës në qytetin e Manfredonias. Grupi ishte i vendosur nëpër pika strategjike në qytet.
Dyshohet se në mesin e të arrestuarve ka edhe shqiptarë, identiteti i të cilëve nuk është bërë i ditur për momentin.
