Policia italiane ka goditur një tjetër bandë shqiptare të trafikimit të kokainës, e cila udhëhiqej nga 3 shqiptarë.
Nga aksioni i organizuar kundër grupit, janë sekuestruar 12 kg kokainë u sekuestruan nga karabinierët e Romano-s pranë qytetit të Bergamos dhe 114 mijë euro. Shqiptarët përfunduan në pranga. Ata janë të moshës 24 deri në 40 vjeç, por autoritetet italiane nuk dhanë detaje për identitetet e tyre.
Operacioni policor u finalizua mbrëmjen e së premtes. Gjithçka nisi pas ndalimit të dy makinave të dyshimta në një parkim, brenda të cilave u gjet sasia e konsiderueshme e kokainës dhe paratë.
Bëhet fjalë për sekuestrimin më të madh të kokainës në vitet e fundit, njoftoi policia italiane. Nëse do të hidhej në treg, droga e sekuestruar do t’u sillte trafikantëve mbi 700 mijë euro fitime.
Po në Itali, në një tjetër operacion antidrogë, policia shkatërroi një rrjet droge pjesë e të cilit ishin dy shqiptarë, njëri prej tyre u kap me 1 kg kokainë.
