Autoritete italiane kanë shkatërruar dy banda kriminale të cilat ishin të lidhura me dy mafiet më me emër si Camorra dhe Ndragheta-n, që vepronin të përqendruara kryesisht në Romë, raporton romatoday.it.
Mediat e vendit fqinj bëjnë të ditur se operacioni antimafias dhe i karabinierëve u zhvillua mes Romës dhe Napolit dhe përfundoi me se paku 19 të arrestuar mes të cilëve edhe shqiptare.
Sipas policisë italiane në aksion morën pjesë rreth 200 karabinierë të Komandës provinciale të Romës në bashkëpunim me të Napolit, me helikopterë dhe qenë antidrogë.
Mediat italiane bëjnë me dije se janë ekzekutuar 19 urdhër arresti për 19 persona, mes tyre një grua dhe disa shqiptarë.
Akuzat janë disa, që nga trafik i paligjshëm i substancave narkotike, armë, dhunë dhe përdorim të metodave mafioze. TIRANA TODAY
