Për rreth 20 minuta në kryeqytet ka pasur një ndërprerje të energjisë elektrike, pas një defekti në linjën 110 kv, që furnizon me energji nënstacionin e uzinës së Traktorëve dhe Kinostudion.
Burime pranë OST-së për Balkanëeb thonë se linja dyshohet të jetë qëlluar sërish gjatë natës, siç duket edhe në foton e mëposhtme, ku shihen gjurmët e plumbit që ka depërtuar në telat përcjellës.
Punonjësit e OST-së kanë punuar gjatë natës dhe kanë rregulluar defektin, ndërsa OST ka depozituar sërish një denoncim pranë komisariatit numër 4. Blutë e kryeqytetit kanë nisur menjëherë hetimet për dëmtimin e linjës 110 Kv të OST në Babrru.
