Reshjet e dendura të shiut kanë shkaktuar probleme të shumta në disa zona të vendit. Problem tashmë është dhe furnizimi me energji elektrike. Përmbytjet në nënstacionin e Kasharit kanë sjellë ndërprerjen e energjisë elektrike në Tiranë.
Aktualisht janë pa energji elektrike Kombinati, Kamza dhe Lapraka. Gjithashtu reshjet e shiut kanë përmbytur një pjesë të autostradës Tiranë-Durrës duke bërë që të bllokohet qarkullimi. Uji ka arritur në një lartës rreth 1 metër, çka e ka bërë të pamundur kalimin për mjetet e vogla.
Autostrada vijon që të jetë e bllokuar prej orës 18:00 të pasdites së sotme. Për të zhbllokuar situatën ka ndërhyrë edhe ushtria.
