Gjyqtari kroat Bruno Mariç i ka shpëtuar jetën një lojtari duke u bërë heroi i ditës.
Pas një përplasjeje në lojë, Zvonimir Filipoviç gëlltiti gjuhën dhe nuk po merrte më frymë. Arbitri, i cili ndodhej vetëm disa metra larg futbollistit, ndërhyri menjëherë duke i hapur gojën lojtarit dhe duke shmangur më të keqen. “Kam ndjekur një kurs dhe e dija mirë se çfarë po bëja. E kuptova menjëherë që situata ishte e rëndë. Më përqafoi dhe më falënderoi”, tregoi Bruno Mariç.
