Prishja e pallatit në qytetin e Vlorës, i cili rezulton të jetë në pronësi të vjehrrit të Lulzim Bashës, ka shkaktuar debate të shumta mes politikanëve, ndërsa ishte Gjykata e Strasburgut ajo që dha vendimin, duke arsyetuar se Rama ka shkelur të drejta e njeriut duke dhunuar pronën e ligjshme.
Ish-kreu i demokratëve, Sali Berisha thotë se qeveria nuk ka për të paguar vetëm 13 milionë euro, por kjo shumë shkon në 2 miliardë . Ai përshëndeti vendimin e Gjykatës së Strasburgut. Tashmë vjehrri i Bashës dhe 18 paditësit e tjerë, do të dëmshpërblehen nga qeveria, ndërsa shuma që do të marrin si dëmshpërblim për dhunimin e pronës nga qeveria është 13 mln euro.
Ndërsa me anë të një statusi në rrjetin social “Facebook”, ish-kryeministri ka reaguar pas vendimit të Gjykatës së Strasburgut, e cila nxori fajtore qeverinë më veprimin e kryer. Për Berishën, Pallati ishte ndërtuar në truall privat dhe në përputhje me planin e qytetit dhe leje të rregullt dhënë nga kryetari socialist i asaj kohe dhe në përputhshmëri të plotë me projektin e Lugomares.
Ai shkruan mes tjerash se Rama ka vepruar me urretje kafshërore dhe të pakontrolluar, kundrejt kundërshtarit të tij politik. Ai la të kuptohet se ky ishte një sulm politik duke dhunuar pronën e ligjshme për shkak të inateve politike.
Statusi i Berishës
Te dashur miq, javet e para te instalimit ne pushtet Edi Rama i kremtoi duke shfryre urrejtjen shtazore ndaj kundershtarit politik dhe rrafshuar ne kundershtim flagrant ne Vlore nje pallat te tere vetem se aksioner ne ndertimin e tij ishte vjehrri i kryetarit te opozites. Pallati ishte ndertuar ne truall privat ne perputhje me planin e qytetit me leje te rregullt te kryetarit socialist te Bashkise se Vlores dhe nuk kishte asnje lidhje me projektin e Lungomares por vetem me urrejtjen kafsherore te pakontrolluar te paranojakut me kartel klinike te botuar, ndaj kundershtarit politik.
Duke pershendetur kete vendim te Gjykates Europiane te Strasburgut informoj shqiptaret se ky eshte vetem fillimi sepse gjobat qe Shqiperia po merr e do te marre nga arbitrazhet nderkombetare dhe Gjykatat e vendeve te medha si dhe gjykata e Strasburgut arrijne qe tani, sipas disa burimeve te besueshme,ne mbi 2 miliard euro.
Ju siguroj se kjo shume, qe ka lidhje vetem me kater vitet e shkuara do rritet me shpejtesi çdo jave dhe muaj qe Noriega qendron ne pushtet. Gjobat e urrejtjes te te semurit psiqik ne krye te ekzekutivit jane nje thirrje per çdo shqiptar te permbysim sa me pare regjimin e tij! sb
