Deputetja e Partisë Socialiste Blerina Gjylameti ka ngritur një sërë pyetjesh ndaj kryetarit të Partisë Demokratike, Lulzim Basha.
Gjylameti pyeti kryedemokratin se kush ia ka siguruar shumën marramendëse prej 1 milion dollarësh, të përdorura për lobim gjatë fushatës zgjedhore.
Po ashtu, Gjylameti i kërkoi llogari edhe Prokurorisë, teksa tha se kjo e fundit nuk ka nisur ende hetimet.
Fjala e deputetes:
Janë 1 milion dollarë që PD i ka paguar në 2017. Kush i pagoi këto para, nga erdhën këto para? Pse Prokuroria nuk nis hetimet? Basha duhet të dalë e të shpjegojë se çfarë bëri në vizitën e tij në mars në SHBA. Janë mbi 500 mijë dollarë të kaluara nga një llogari fantazmë.
Në total, shpenzimet e lobistëve të PD për periudhën mars-qershor janë më të larta se ato që PD ka deklaruar në KQZ, raportohen 500 mijë dollarë, dy herë më pak nga ato që kanë shpenzuar.
Ku i ka gjetur Basha këto shuma marramendëse, ku i ka gjetur një milion dollarë këta që flasin për para të pista çdo ditë? / TIRANA TODAY
