Gjykata ka liruar një farmaciste, e cila jepte teste false të Covid-19. 25-vjeçarja K. Luka u njoh këtë të shtunë me masën e sigurisë në Gjykatën e Lezhës, ndërsa ishte prangosur të enjten pasi lëshonte teste COVID-i të falsifikuara.
Në seancën e zhvilluar me dyer të mbyllura, farmacistja nuk ka folur asnjë fjalë në lidhje me akuzat e ngritura. Avokati i saj ka thënë se 25-vjeçarja ka qenë thjeshtë punonjëse në farmaci, dhe se nuk kishte dijeni se aty kryheshin teste COVID-i fiktive.
Pasi dëgjoi palët, gjykata e cilësoi të ligjshëm ndalimin e 25-vjeçares dhe vendosi ndaj saj masën e sigurisë “Arrest në shtëpi” ashtu siç kishte kërkuar prokuroria.
