Gjykata e Vlorës ka lënë në burg policin Arjan Tase, i cili i mori jetën me gomone në breg të detit 7-vjeçares Jonada Avdia. Ish shefi i policisë nuk e ka kundërshtuar vendimin e marrë sot nga gjykata, dhe akuzën ndaj tij. Mësohet se në gjyq Arjan Tase ka kërkuar falje, dhe ka deklaruar se nuk do ta ankimojë vendimin e gjykatës.
Po kështu i ka shprehur ngushëllime familjarëve, dhe ka kërkuar falje. Arjan Tase ka qenë i rënduar psikologjikisht dhe kërkesa e tij ka qenë për mosankimim. Tase ka shprehur pendesën e tij në këtë ngjarje të rëndë.
Ai akuzohet për ngjarjen tragjike të 2 gushtit në plazhin e Potamit në Himarë, ku si pasojë e përplasjes me gomonen që drejtonte Tase, humbi jetën 7-vjeçarja Jonada Avdia.
