Që nga 1 tetori, ka hyrë në fuqi një ligj i ri në Gjermani, i njohur si “NetzDG”, i cili parashikon masa të rrepta për përdoruesit që prodhojnë përmbajtjeve të paligjshme dhe ofenduese nga platformat e mediave sociale.
Kompanitë dhe individët duhet të heqin të gjitha postimet me përmbajtje urrejtje apo materiale të tjera kriminale, në të kundërt do të gjobiten nga 5 milion euro për individin përgjegjës për përmbajtjen, deri në 50 milion euro për kompaninë.
Një komision i vendosur pranë ministrisë së Drejtësisë do të monitorojë përmbajtjet e diskutueshme, nëse kualifikohen si të paligjshme ose jo.
Nga ana tjetër, kritikët janë kundër këtij ligji, pasi shprehen se ai ndalon lirinë e fjalës dhe shkel ligjin e BE-së, sepse përpiqet të shkatërrojë parimin e vendit të origjinës. Ky i fundit thekson se ofruesit e shërbimeve në BE mund të jenë vetëm subjekt i rregulloreve nga shteti anëtar në të cilin ata janë themeluar.
Deputetët gjermanë votuan ligjin në qershor, pas një serie rastesh të lajmeve të rreme dhe fjalimeve të urrejtjes të përhapura në mediat sociale në vend. Ai hyri në fuqi një javë pasi Komisioni Europian publikoi një manual, në të cilin u kërkonte rrjeteve sociale të ishin më aktive në parandalimin dhe largimin e gjuhës së urrejtjes.
