Prezenca e Xherdan Shaqirit në Beograd ka tronditur serbët të cilët vetëm prodhojnë lajme e shfryen në drejtim të tij. Gjithçka lidhet me kombësinë e Shaqirit, por edhe pas atij goli në Botërorin e Rusisë që i shënoi kombëtares serbe dhe më pas festoi me shqiponjë.
Gazeta serbe “Kurir”, vazhdon ta shfrenojë fantazinë, teksa së fundit ka shkruar se Xherdan Shaqiri, ka bërë një koment në gjuhën e pastër serbe, e cila sipas kësaj tyre është dhe gjuha amtare e futbollistit.
“Kurir” shkuan më tej se 27-vjeçari nga Gjilani, pas Liverpool – Crvena Zvezda, nuk ka dashur të përgjigjet në pyetjen e gazetarit në gjuhën serbe. Ai aktroi sikur nuk e kuptonte pyetjen, por tani e ka bërë të qartë sikur drita e diellit se ai flet shkëlqyeshëm në gjuhën e vendit ku është lindur.
Gazeta serbe del në këtë konkluzion, pasi Shaqiri i ka komentuar në “Instagram”, ish-shokut të skuadrës te Stoke, Erik Pieters, ku i shkruante. “Polako brate” (Ngadalë vëlla).
Kaq ka mjaftuar që serbët të shfrenojnë fantazinë duke shkruar broçkulla. “E kujtove origjinën dhe gjuhën tënde amtare”, ishin disa nga komentet e tifozëve serbë.
